Wadaag Sheekada Iska Joojintaada

Waxaan oggalaasho u siinayaa Quit Partner, oo ah barnaamij Waaxda Caafimaadka ee Minnesota, in ay u isticmaalaan sawirkeyga iyo/ama sheekada qoran ee aan u soo gudbinayo iyada oo qayb ka ah ama la xiriira soosaarista daabacaadda Quit Partner iyo soo bandhigyada ah maqal-muuqaal oo ah wixii qaab ama hab la heli karo.

Waan fahansanahay oo waan oggolahay in sheekadayda qoran, oo uu la socdo sawirkeyga, magacayga, iyo magaaladayda, laga yaabo in si bulsho ah loo qaybiyo ama loo soo bandhigo taasoo lala xiriira barnaamijyada macluumaadka Quit Partner iyo waxqabadyadeeda, oo ay ka mid tahay la wadaagida warbaahinada guud iyo wada-hawgalayaasheena caafimaadka dadweynaha.

Waan ka tanaasulayaa wixii xuquuq ah oo aan siidayn waxii sheegasho ah ama sababaha ficil laga yaabo inaan diido, ka hortago ama raadiyo magdhow ee siideynta, daabacaadda ama u adeegsiga sawirkeyga iyo/ama sheekadeyda qoraalka ah sida ku xusan Xeerka Dhaqanka Xogta ee Minnesota (Xeerarka Minnesota, cutubka 13, ) iyo wixii sheegasho ah ama sababa ficil laga yaabo inaan ku salaysto, oo ka imanaya ama la xiriira waxyeelida asturnaanta.

Waxaan ahay ugu yaraan 18 sano jir waxaana maskax ahaan awood u leeyahay inaan saxeexo siidayntan.

Waan akhriyay sii deyntan kahor intaanan saxiixin oo waan oggolahay shuruudaheeda.

Quit Partner (oo ah barnaamij ka tirsan Waaxda Caafimaadka ee Minnesota) wuxuu kaa codsanaya inaad siiso macluumaadka foomkan ku qoran si uu u uruuriyo sheekooyin uu u isticmaali karo inuu ku ogeysiiyo oo uu ku baro dadweynaha barnaamijyada Quit Partner iyo waxqabadyadooda iyo uu ku dhiirrigeliyo dadka kale inay sigaarka iska joojiyaan.

Sharci ahaan waajib kuguma aha inaad soo gudbiso wixii macluumaad ah ee lagaa codsaday waana diidi kartaa inaad sidaas sameyso. Cawaaqibta keliya ee ka imaanaya inaadan bixin macluumaadka waa in uusan Quit Partner awoodi doonin inuu wadaago sheekadaada. Khasab kuguma aha inaad soo gudbiso sheeko ama wixii macluumaad ee lagu codsaday foomkan si aad uhesho Adeegyada Quit Partner.

Sheekada, sawirka, magaca hore, iyo magaalada aad soo gudbiso waxaa loo diyaarin doonaa in si bulshad ahaan looga heli karo daabacaada Quit Partner ama bandhigyadiisa, oo laga yaabo in laga dhigo wax lagu heli karo online-ka ama lala wadaago warbaahinada guud ama wada-hawlgalayaasheena caafimaadka dadweynaha.

Quit Partner lama wadaagi doono cinwaanka imaylkaaga dadka aan ahayn kuwa hoos ku taxan, laakiinse laga yaabo inay u isticmaalaan cinwaanka imaylkaaga inay kaala soo xiriiraan macluumaad dheeraad ah owgeed.

Macluumaadka aad soo gudbiso waxaa sidoo kale loo sii dayn karaa sida soo socota:

• Ku socota shaqaalaha Waaxda Caafimaadka ee Minnesota (MDH) ama qandaraasleyaasha warbaahinta Quit Partner ee MDH oo ay shaqadoodu si macquul ah ugu baahato helida xogta;


• Iyada oo uu u baahdo amar maxkamadeed;


• Qof kasta ama hay'ad kasta aad adigu u oggolaatay inay helaan xogta;


• Qof kasta oo kale oo uu u oggolaaday sharciga gobolka ama federaalka inuu helo xogta.